Цените по рафтовите останаа непроменетеи но граѓаните стравуваат од можност за нагло зголемување. Граѓаните кои утринава излегле да пазарат велат дека цените се непроменливи, но дека стравуваат од повисоки цени, за моменталната состојба велат дека прескапа е живеачката.
Потенцираат дека меѓу факторите кои ја подгреват сиромаштијата се ниските плати и пензии со што се доведени во ситуација наместо во килограм да купуваат на парче.
Доколку по завршување на мерката со која беа ограничени маржите и цените на дел од основните прехранбени производи и средства за хигена има девијантно однесување од страна на маркетите или енормно зголемување на цените на производите ќе бидат воведени поригорозни мерки, велат од Министерство за економија и труд.
„Од почетокот на месец мај во соработка со Државниот пазарен инспекторат ќе вршат контроли на терен за да видат дали по завршување на мерката за ограничување на бруто-профитната маржа и за замрзнување на цените, ќе има енормно зголемување. Доколку е потребно, идните мерки ќе бидат поригорозни од досегашните. Ова значи дека може да биде проширен опфатот на производи на кои се ограничува цената, да се воведе ограничување на маржите на сите производи во маркетите или да се зголеми вредноста на постојното ограничување на маржите.“ – велат од Министерство за економија и труд.
Инспекторите ќе бидат на терен, вели директорот на ДПИ, Влатко Стојкоски кој потенцира дека е направен оперативен план за месец мај од кој ќе зависи понатамошното постапување на Владата во однос на состојбата со цените.
„Направен е оперативен план за месец мај каде што Државниот пазарен инспекторат ќе биде на терен, ќе врши мониторинг на производители, диструбутреи – увозници, и маркети односно ланци на маркети, каде што ќе се утврдуваат бруто профитните маржи. Ќе бидеме постојано на терен. Врз основа на таа анализа Владата ќе одлучи како ќе се постави понатаму, сепак се работи за пазарна економија.“ – вели директорот на ДПИ, Влатко Стојкоски.
Со завршување на владината мерка за ограничување на бруто-профитните маржи на основните производи,сега, трговците повторно имаат слобода да ги одредуваат цените на повеќе од 1.000 прехранбени и непрехранбени производи.
