Домаќинот на денешниот натпревар екипата на Олимпијакос, наместо во салата на одигрување – “Илиоуполи”, му ‘обезбеди’ алтернатива на македонскиот претставник, екипата на ГРК Охрид во ‘балон’, каде најчесто рекреативци кај нашиот јужен состав го поминуваат слободното време.
Мислам дека ќе биде тешко, но ќе дадеме свој максимум за што подобар резултат. Го имаме и реваншот во Охрид, така што нема да биде утре сè решено. Ќе видиме. Мислам дека имаме и ние свои шанси, се подготвуваме максимално и ќе дадеме максимум за што подобар резултат, изјави Гоце Ојлевски на вчерашниот тренинг.
Денешниот 1/4 финале натпревар од ЕХФ Европскиот Куп е со почеток од 16 часот и ќе има директен пренос на МРТ3.
Реванш натпреварот во Охрид ќе се одигра следната сабота на 4 април во 18 часот во СРЦ „Билјанини Извори“.
