Околу 530 прехранбени производи се продаваат по намалени цени од 5 до 24 отсто по договор на Владата на Грција со трговци, пренесува БНР. Производителите на маслиново масло најавија дека за неколку месеци цената на производот ќе се намали за 50 отсто.
Во трговски синџир веќе се појави литар маслиново масло за помалку од 10 евра. Годинава производството на маслиново масло во Грција е речиси двојно зголемено, што овозможува и корекција на цените, рекоа земјоделците.
Се зголемува поддршката за земјоделците за одгледување овошја и зеленчуци во стакленици. Премиерот извести за помош од 150 милиони евра за одржување и изградба на нови оранжерии. Сепак, сите социолошки истражувања покажуваат силно незадоволство од високата цена на струјата, пренесува „24Часа.бг“.
