Даниел Бошевски е носителот на советничката листа за претстојните локални избори во Општина Могила.
Бошевски ја прифаќа оваа одговорна позиција со искрена благодарност и посветеност, истакнувајќи дека неговото повеќегодишно искуство во општинската администрација ќе биде силна основа за работа во интерес на граѓаните.
„Добро ги познавам механизмите на локалното управување и реалните потреби на нашите сограѓани. Како иден советник ќе се залагам за фер распределба на ресурсите, поддршка за земјоделците, подобрување на јавните услуги и создавање услови за младите да останат и да напредуваат во нашата општина”, вели Бошевски.
Тој изрази посебна благодарност до претседателот на СДСМ, Венко Филипче, како и до претседателот на ОО СДСМ Могила, Зоран Ристевски, за довербата и поддршката.
„Ова не е само политичка улога – ова е продолжение на мојата животна мисија: да работам со дисциплина, да слушам со внимание и да делувам со визија”, нагласи Бошевски, додавајќи дека неговата главна цел е заеднички да се гради силна, праведна и модерна Општина Могила.
Фото: Даниел Бошевски
