Дарио Ивановски победи на 21. издание на Виз Ер скопскиот маратон, учесник беше и “Итар Пејо”

Димитар Петковски 05/10/2025 09:41

Македонецот Дарио Ивановски победи на годинешното издание на Виз Ер скопски маратон кое се одржува по 21. пат.

Македонскиот атлетичар го истрча маратонот во должина од 42 километри со време од 2:14:50 часа, триумфирајќи во завршните километри, ооставајќи го зад себе Кениецот Кипкоеч, кој долго беше на чело на трката, а на крајот заврши како втор. Третото место го освои Грузиецот Давити Каразишвили со време од 2:19:59 часа.

За Ивановски ова а втора победа на Виз ер скопскиот маратон, по успехот во 2021 година.

На женскиот дел од скопкскиот маратон, победи Кенијката Џеруто со време од 2:38:31 часа,

оставајќи ги зад себе Маринела Нинева од Бугарија (2:45:36), на второто и Ана Јусупова од Азербејџан (2:48:10), на третото место.

Годинешното издание на Виз Ер скопскиот маратон според организаторите имал над 14.000 учесници.

Во полумаратонската трка најбрзи беа: Албион Имери во машка и Греса Бакрачи во женска конкуренција, додека во трката на 5 км, каде се стартоваа околу 10.000 учесници, победија Григоријан Никовски и Ирма Хајдари.

Во штафетниот маратон – ЕУ за спорт, победата во машка конкуренција ја однесе екипата „Врањски маратонци“ (2:26:34). Маратонот го истрча и редовниот учесникот облечен во народна македонска носија наликувајќи на популарниот “Итар Пејо”.