Двајца возачи биле лишени од слобода во одделни сообраќајни контроли спроведени на 12 јули, откако било утврдено дека управувале возила без да поседуваат возачка дозвола.
Од СВР Битола информираат дека околу 12:00 часот во селото Заполжани, Општина Долнени, полициски службеници од Полициското одделение Ропотово сопреле патничко возило „цитроен“ со прилепски регистарски ознаки, управувано од К.М. (48) од селото Заполжани. При контролата било утврдено дека возачот не поседува возачка дозвола, по што бил лишен од слобода.
Истиот ден, околу 17:00 часот, на улицата „Новачки Пат“ во Битола, полициски службеници од СВР Битола сопреле патничко возило „опел“ со битолски регистарски ознаки, управувано од М.Д. (19) од селото Логоварди. И кај него било констатирано дека управувал без возачка дозвола, по што бил приведен.
По целосното документирање на двата случаи, против двајцата ќе бидат поднесени соодветни поднесоци. објави Скопје1.мк
