Со обезбедени 70 илјади бесплатни вакцини денеска започнува вакцинацијата против сезонски грип. Право на бесплатна вакцина имаат ризичните групи, вклучувајќи повозрасни лица над 65 години, лица со хронични заболувања, здравствени работници, бремени жени, деца од шест месеци до пет години, и лица во установи за социјална заштита.
Вакцинацијата ќе се спроведува на 36 локации низ целата земја, а пријавените ќе добијат СМС порака со деталите за местото и времето. До сега, 33.000 граѓани се пријавиле преку интернет-страницата вакцинација.мк. Од Комисијата за заразни болести, потсетуваат дека вакцинацијата е најдобар начин за заштита од тешки форми на грип.
Во Скопје, вакцинацијата ќе се одвива во Центарот за јавно здравје и неколку поликлиники. За граѓаните кои не се дел од ризичните групи, во Центрите за јавно здравје се достапни и комерцијални вакцини.
