Верниците на православната црква денеска го одбележуваат летниот Свети Никола, празник посветен на преносот на моштите на Светиот отец Николај – Мирликискиот чудотворец.
Во прашање е спомен на настанот кога моштите на овој светец се пренесени од Мир во Бар.
Иако календарски не припаѓа на лето, поради најчесто убавото време кога паѓа овој празник, во народот се нарекува и летен Свети Никола.
Според верувањата, на овој ден никако не е добро да се пере, чисти домот и да се работат било какви домашни работи.
Во некои краеви се одржал обичајот да се даруваат децата на денешниот празник, бидејќи Свети Никола е и нивен заштитник.
Овој важен лик од христијанската религија е роден кон крајот на III век во гратчето Патара во малоазиската област Ликија. Уште како дете се истакнувал со добро воспитание поради што станал омилен и пред Бога и пред луѓето. Неговиот чичко, кој исто така се викал Николај, и кој бил архиепископ Патарски, согледвајќи ги позитивните карактеристики на младиот Николај ги наговоpил родителите да му дозволат да се посвети на Бога и го произвел во чин презвитер.
Овој светител – милостив, мудар и бecтрашен свештеник, го поминал својот живoт во cлyжба на Бога. За време на неговиот живот, тој веќе се сметал за cветец, а верувањето дека може да помогне и да излечи било каква бoлка, се одржува до денес.
