Времето денеска ќе биде сончево со мала до умерена локална облачност. Ќе дува слаб до умерен, наместа долж Повардарието повремено засилен ветер од северен правец, информираат од УХМР.
Минималните температури ќе се движат во интервал од 2 до 10 Целзиусови степени, а максималните од 14 до 21 Целзиусов степен.
Во Скопје ќе биде сончево со мала до умерена облачност. Ќе дува слаб до умерен, во делови од котлината повремено засилен ветер од северен правец. Утринската температура ќе биде 8 степени, а попладне таа ќе се искачи до 20 Целзисуови степени.
Како што најавуваат од УХМР, следните три дена во државава ќе се задржи сончево време со мала до умерена локална облачност и слаб до умерен ветер од северен правец.
