Времето денеска во Македонија ќе биде променливо облачно со повремен локален дожд. Според најавите од Управата за хидрометеоролошки работи (УХМР), во југоисточните делови на земјата ќе има услови и за појава на ретки грмежи.
Во текот на денот ќе дува слаб до умерен ветер од јужен правец.
Минималната температура ќе се движи во интервал од 6 до 12 степени, додека максималната ќе достигне од 20 до 26 степени.
Во Скопје се очекува слично време – променливо облачно, а претпладне во делови од котлината ќе има услови за повремен дожд. Ќе дува слаб до умерен јужен ветер. Температурата во главниот град ќе се движи од минимални 10 до максимални 25 степени.
УХМР најавува дека во наредните денови продолжува периодот на променливо време со повремени врнежи. Особено нестабилно се очекува да биде во петок и сабота, кога на повеќе места ќе има пообилен пороен дожд, грмежи и засилен ветер. Дневните температури до сабота ќе бидат во благо опаѓање.
