Денеска по 102 пат се игра скопското дерби меѓу Вардар и Работнички. Прв пат се сретнале во 1951 година во рамките на втората југословенска лига, а дебармаалци славеле со 2:1.
Вардар како лидер на табелата по дваесет и шест одиграни мечеви и собрани 62 бода има задача да ја продолжи позитивната низа во шампионатот и да освои нови три бода.
Од друга страна пак, Работнички води грчевита битка за опстанок. По серијата лоши резултати во првиот дел од првенството, во продолжението работите одат во сосема поинаков правец. Во последните седум меча имаат пет победи, а во овој дуел влегуваат по поразот од шампионот Шкендија на комплексот „Петар Милошевски“ од 0:3.
Мечот на Арената Тодор Проески во Скопје денеска почнува од 15:30 часот. Вардар е номинален домаќин, што не е и некаква предност секако, затоа што и Работнички ќе се чувствува како дома
Национална арена „Тодор Проески“, Скопје, почеток 15:30 часот.
Фото ФФМ
