Неделата пред Прочка, која секогаш е една недела пред почеток на велигденските пости, се нарекува и „Бела недела“, а почнува денеска.
За православните верници денеска почнува Бела недела или Сирна недела.
Тоа се последните седум дена пред почетокот на велигденскиот пост, кој годинава почнува следниот понеделник, на 23 февруари.
Оваа недела е подготвителен период за долгиот пост и духовната обнова на верниците пред најголемиот христијански празник Велигден, кој оваа година се паѓа на 12 април.
Во текот на оваа недела не се консумира месо, но дозволени се млечни производи и јајца, дури и во среда и петок, кои вообичаено се посни денови.
Месо може да се јаде во недела, а потоа дури на Велигден.
Овој период популарно се нарекува Бела недела, а на последниот ден од овој период е Прочка, односно денот кога верниците се молат меѓусебно за прошка, за да можат духовно исчистени да влезат во Великиот пост.
Оваа недела се смета за поопуштена од останатите во овој период од годината, бидејќи е последна можност луѓето да уживаат во храната и друштвото пред долгиот пост, кој покрај физичка воздржаност подразбира и духовно прочистување.
Извор/фото: Црнобело
