Денес во Скопје, во салата “Јане Сандански“, со почеток во 18 часот ќе се одигра вечното ракометно дерби помеѓу екипите на Еурофарм Пелистер од Битола и Вардар, во рамките на осмото коло од плеј-офот на Суперлигата.
Второто “вечно дерби“ во плеј-офот е и прва “меч топка“ за Еурофарм Пелистер, кој со победа ќе ја имаат годинашната титула во свои раце, а екипата на Вардар само победа ги остава реалните шанси за титула.
“Пелистерци“ по 8. кола имаат 5 бода предност, односно вкупно 23 наспроти Вардар кој има 18 и затоа се очекува беспоштедна битка, а за жал поради ланските проблеми на трибините нема да има присуство на гостински навивачи односно „Чкембари“.
Ракометата федерација на Македонија ги делегира официјалните лица за дербито. Судискиот пар Сашо Кркачев и Ѓоко Колевски ќе ја дели правдата, а делегирани се двајца делегати – Марјан Начевски и Драган Начевски.
