На светските берзи доларот минатата недела ја намали својата вредност во однос на кошничката валути, бидејќи стануваше сè поизвесно дека американската централна банка ќе ги намали каматните стапки овој месец.
Индексот на доларот, кој ја мери вредноста на американскиот долар во однос на шест главни валути, минатата недела падна за 0,10 проценти на 97,73 поени. Еврото порасна за 0,3 проценти на 1,1717 долари.
Американската валута зајакна во однос на јапонскиот јен за 0,2 проценти, достигнувајќи 147,40 јени.
Индексот на доларот цела недела се движи над 98 поени, бидејќи инвеститорите чекаат нови податоци од американската економија што би можеле да влијаат на одлуката на ФЕД за каматните стапки.
По објавувањето на извештајот за работни места во САД за август, речиси е сигурно дека претставниците на ФЕД ќе ги намалат каматните стапки за 0,25 процентни поени на нивниот состанок во средината на септември.
Бројот на вработени во САД се зголеми за само 22.000 во тој месец, додека аналитичарите во просек очекуваа 75.000. Во исто време, стапката на невработеност се искачи на 4,3 проценти, пренесува Индекс.хр.
