До 15. март ќе трае обврската за задолжително поседување на зимска опрема во возилата, без оглед на моменталната временска состојба.
Правилникот за задолжителна опрема на возилата прецизно утврдува што секое возило мора да поседува во зимски услови. МВР и РСБСП редовно објавуваат видео-водич за правилно поставување зимска опрема во возилата.
Вчера на наплатна рампа Глумово, Одделението за превенција при СВР Скопје во соработка со РСБСП реализираше сообраќајно-превентивна активност под мотото „Користете зимска опрема“.
Во рамки на активностите, на возачите им беа поделени едукативни летоци, изработени во соработка со Републичкиот совет за безбедност на сообраќајот на патиштата, со пораки за одговорно управување на возилата во зимски услови и согласно позитивна законска регулатива. Исто така, во непосредни разговори на возачите им беше укажано на правилата кои треба да се почитуваат за безбедно управување со моторно возило, за задолжителното прилагодување на брзината спрема условите на патот.
Зимската опрема не е само законска обврска, туку опрема за ваша заштита. Со зимски пневматици и правилно поставени синџири, ја штитите својата безбедност и безбедноста на останатите учесници во сообраќајот, потсетуваат надлежните.
Фото: Архива
