Целосно укинување или ограничување на Тик ток и други социјални мрежи кои се најмногу користени од учениците е една од мерките кои МОН планира да ги преземе. Министерот за образование до крајот на оваа недела ќе издаде протокол до училиштата како да воспостават поголема безбедност и контрола врз најмладите. До сега откако е отворен меилот на МОН, пристигнале повеќе од 10 пријави за насилство во училишта.
Во основни училишта во Општина Аеродром, денеска родители ја бојкотираат наставата бидејќи нивните деца трпат насилство од соученици. За овие случаи министерот најави дека детално ќе ги истражи.
Насилството кај учениците е во пораст, истражувањето покажало дека 37 проценти од учениците се чувствуаат дека трпеле непријатности. Многу од нив рекле дека немаат кому и не знаат каде да се обратат за претрпено насилство.
Училиштата треба да имаат повисок степен на физичко обезбедување сметаат експерите. Задолжителен тест за дрога кај учениците е една од мерките кои ги предлагаат во националанта стратегија за поголема безбедност во училиштата. Дополнително, МВР да спроведе контрола какво и колку оружје поседуваат граѓаните и да се зголемат казните.
Преку проект на УКИМ, се организираат работилници со ученици и наставници за превенција и поголема безбедност во училиштата. Денеска универзитетските професори беа во Основното Вера Циривири Трена во Карпош.
