Поради сериозната ситуација со големиот број на пожари на повеќе локации низ државата, државата денес официјално го активираше механизмот за европска помош, односно Европскиот механизам за цивилна заштита, сподели на денешната прес конференција министерот за внатрешни работи, Панче Тошковски.
Преку овој механизам, државата бара помош од државите-членки на ЕУ во форма на воздушна поддршка, човечки капацитети и логистичка опрема, со цел побрза и поефикасна интервенција на терен.
„Од страна на Грција се дадени два канадери на испомош, ќе бидат ставени во функција, исто така и два пешадиски тимови се ставени на располагање преку ЕУ механизмот. Сите владини институции целосно се мобилизирани и активно се вклучени на терен“, порача министерот за внатрешни работи Панче Тошковски.
