Во изминатата недела, од 2 до 8 март 2026 година, Државниот пазарен инспекторат спроведе вкупно 492 инспекциски надзори на целата територија на Македонија, со цел контрола на почитувањето на законските прописи и заштита на правата на потрошувачите.
Како резултат на извршените контроли, инспекторите издале 89 прекршочни платни налози, во вкупна вредност од 2.944.525 денари.
Покрај тоа, изречени се и 20 опомени до субјектите кај кои се утврдени неправилности, по што во наредниот период ќе следуваат и дополнителни контролни надзори со цел проверка дали забелешките се отстранети.
Од Државниот пазарен инспекторат информираат дека инспекциските активности ќе продолжат со засилен интензитет и во наредниот период, со цел доследно почитување на законските прописи и обезбедување поголема заштита на потрошувачите на пазарот пренесува порта.
