До 13:00 часот на 4 август на територијата на државата се регистрирани вкупно пет пожари на отворен простор, од кои еден е сè уште активен, а четири се изгаснати, информира Центарот за управување со кризи (ЦУК).
Активен е пожарот во Општина Кавадарци, на потегот меѓу селата Раец, Ќесендре и Дреново, каде гори нискостеблеста шума и ниска вегетација.
Во меѓувреме, изгаснати се пожарите кај месноста Теќе на улицата „Дебарска“ во Прилеп, каде горела депонија, меѓу селата Шемшово и Сиричино во Општина Теарце, каде горело ѓубре, како и пожарите во селата Глуво и Мирковци во Општина Чучер Сандево, каде била зафатена сува трева. објави Скопје1.мк
