Веќе една година, BrainHive е омиленото катче за учење и креативност во Битола – современо училиште за англиски јазик наменето за деца и тинејџери. Под мотото “Inspired by feedback, driven to delight“, BrainHive за само 12 месеци успеа да стане препознатливо по својот свеж и динамичен пристап кон еден од најважните јазици во светот. Едукативниот центар, Брејнхајв (BrainHive) кој го револуционизираше учењето на англиски јазик, влегува во новата учебна година со полн ек, а уписите се во тек.
Што го прави Брејнхајв различен?
Денес, англискиот јазик е неопходен, не само за образованието, туку и за идните кариерни можности. Затоа, во Брејнхајв се создава средина каде децата учат низ игра, активности и интеракција, додека тинејџерите добиваат поддршка за да развијат самодоверба и комуникациски вештини што им се потребни во секојдневниот живот.
Со фокус на иновативна и интерактивна настава, Брејнхајв нуди современ пристап кон изучувањето на англискиот јазик, прилагоден според возраста, интересите и потребите на децата и младите.
Часовите се динамични, полни со разговори, креативни игри, проекти и ситуации од реалниот живот. Целта е учениците да почнат да мислат и да зборуваат на англиски без страв и блокади.
Современ пристап кон наставата
Наставата се одвива во мали групи, што им овозможува на наставниците да посветат доволно внимание на секој ученик и да го следат нивниот напредок. Целта не е само да се научи јазикот, туку и да се изгради љубов кон учењето и да се развие самодоверба кај децата.
Ова училиште е за сите:
- Деца од предучилишна и основна возраст – кои низ игри, песни и забавни активности го учат англискиот јазик на природен начин.
- Тинејџери – кои ги унапредуваат своите академски и комуникациски вештини, со посебен акцент на зборување и разбирање.
- Ученици на кои им е потребна дополнителна поддршка – „Брејнхајв“ нуди програми кои им помагаат полесно да ги совладаат училишните содржини и да се подготват за идни предизвици.
Подготовка за Кембриџ дипломи
Покрај редовната настава, Брејнхајв специјализира и во подготовка за меѓународно признатите Кембриџ испити. Овие програми се наменети за ученици од различна возраст и ниво на познавање на јазикот.
Првите групи ученици веќе успешно полагаат, и се стекнуваат со Кембриџ дипломи кои се признати на глобално ниво. Ова е предност што им отвора врати за академска и професионална иднина, каде и да одлучат да продолжат.
Повеќе од училиште – заедница на учење
Она што го прави Брејнхајв посебно е тоа што не е само место за учење, туку и заедница. Учениците не се само бројки во дневникот, туку дел од мала група каде секој глас е важен. Така, покрај англискиот, децата развиваат и важни вештини како соработка, креативно изразување и тимска работа.
Запишувањето за новата учебна година е веќе во тек!
Со отворањето на Брејнхајв лани, Битола доби училиште кое навистина одговара на потребите на новите генерации. Во топла атмосфера, со наставници кои знаат како да ја задржат детската љубопитност, англискиот станува дел од играта, дружбата и учењето – наместо уште една обврска.
Ако сакате вашето дете да стекне сигурност, слободно да зборува англиски и да се подготви за идни предизвици со меѓународно признати дипломи, тогаш Брејнхајв е вистинскиот избор за вас.
Училиштето се наоѓа во близина на основното училиште Климент Охридски и е отворено за посетители секој работен ден. Повеќе информации може да најдете на социјалните мрежи на Брејнхајв или преку телефон на 075 655 211.
