Екипите на ЈП „Комуналец“ – Битола од раните утрински часови се на терен и активно работат на расчистување на снегот од пристапните патеки за пешаците, по врнежите од снег кои започнаа рано утрово.
Како што информира директорот на ЈП „Комуналец“, Горан Степановски, екипите биле ангажирани уште од 5:00 часот со цел навремено оспособување за безбедно движење на површините кои се во надлежност на претпријатието.
„Се работи на расчистување на тротоарите, пристапните патеки до јавните институции, градското шеталиште и мостовите, со цел да се обезбеди безбедно и непречено движење на пешаците“, истакнува Степановски.
Активностите на ЈП „Комуналец“ ќе продолжат и во текот на денот, во согласност со временските услови и динамиката на врнежите.
Фото: Општина Битола
