Македонскиот фудбалски тим со висок пораз од 4-0 против Данска се простува од ‘мундијалскиот сон’. Еден од лидерите кој требаше да ја води играта во нашиот состав е токму Елиф Елмас кој исто така беше “невидлив” на овај клучен и тежок натпревар вчеравечерта на Паркен. Неговата изјава во продолжение.
„Не е првпат да се случува ова. Моментално е тешко да се зборува, и да се раскажуваат приказни. Во првото полувреме одигравме тоа што требаше, бевме максимално сконцентрирани, се браневме добро, но не успеавме. Долго време зборуваме дека кога ќе влеземе во вториот дел да бидеме повеќе концентрирани. Тешко е да се зборува со жешки глави. Треба да работиме многу повеќе затоа што не сме на високо ниво. Имаме нов селектор, исто така нов систем, се може да кажам дека е ново, но долго време сме заедно, има млади играчи кои треба да созреваат. Искуството на Данска се виде во вториот дел, и нивниот менталитет, почнаа да напаѓаат и да играат висок пресинг и не простуваат никаква грешка“, изјави Елмас.
