Тренерот на ПСЖ, Луис Енрике, ги искажа впечатоците по синоќешната победа над Арсенал (1:1, 4:3 на пенали) во финалето на Лигата на шампионите.
-Мислам дека беше финале на високо ниво против еден од најтешките противници, особено откако примивме гол во првите десет минути. Нивниот план беше совршен – нè ставија во тешка позиција. Почнавме да играме подобро во второто полувреме, но кога се соочувате со Арсенал, со нивниот низок блок, нивната физичка подготвеност и нивната одлична одбрана, она што го направивме е вистинско достигнување. Во врска со пеналите, сакавме да им пристапиме со бистра глава. Беше тежок натпревар. Игравме против најсилниот тим во Европа во прекини, но мислам дека доминиравме. Го заслуживме трофејот – нашата втора победа во Лигата на шампионите.
Оваа победа по ред е неверојатна, навистина е тешка, но ние сме многу горди на нашите навивачи и на сите што стојат зад клубот. Многу сме среќни и време е да славиме, изјави Енрике за веб-страницата на УЕФА.
ПСЖ ја освои Лигата на шампионите и во сезоната 2024/25.
Фото: ЕПА / Извор: МИА
