Вчера се одржа втората седница на Управниот одбор на Ракометната федерација на Македонија (РФМ), на која членовите на одборот заедно со селекторот, Лазаров дискутираа за прашања и за планот на идни активности на федерацијата.
На седницата беше дискутирано исто така за подготовките на машката репрезентација и подготовките за ЕП 2026 година . Означен е стартот кој биде на 22. Декември, кога е и закажан првиот собир. Репрезентативците потоа заминуваат за Пореч, Хрватска каде ќе тренираат заедно со хрватскиот национален тим.
По враќањето ќе се тренира во Скопје до заминувањето во Швајцарија поточно Винтертур каде репрезентацијата од 8-ми до 10-ти Јануари ќе биде дел од „Жолтиот куп“ и ќе одигра натпревари против: Швајцарија, Бахреин и Украина. Македонската репрезентација на Европското првенство се наоѓа во групата со домаќинот Данска, Романија и Португалија.
Селекторот Кирил Лазаров планот за подготовките го презентираше на денешниот состанок на Управниот одбор на РФМ.
– “Данска е секако најсилната репрезентацијата во групата, Португалија е полуфиналист од последниот Светско, а во групата е и Романија. Нема да се предадеме и ќе се обидеме да се прикажеме во добро светло и да стигнеме до позитивен резултат, изјави Лазаров.
Македонската ракометна селекција од турнирот во Швајцарија ќе отпатува за Хернинг, каде ќе биде одигран уште еден натпревар, засега противникот не е познат. Натпреварите од ЕУРО 2026-та нашата репрезентација ќе ги игра во Хернинг-Данска во салата „Јуске Банк Боксен“ од 16 до 20. јануари.
