Вардар продолжува со одличните настапи во ЕХФ Европската лига, по домашниот триумф над Сесвете, „црвено-црните“ вчера славеа голема победа во Франција со 28:26 против Тулуз.
Момците на Иван Чупиќ одиграа перфектно прво полувреме, со агресивна одбрана и прецизен напад, Вардар уште на почетокот се одлепи на 6:1, а во 23. минута водеше со убедливи 14:8.
До крајот на полувремето, Вардар ја одржаа разлика и заминаа на пауза со водство од 18:11.
На стартот од второто полувреме скопјани имаа и највисоки +9 (21:12), но потоа следеше пад во играта и пресврт на домашните.
Тулуз со серија погодоци се врати во игра и во 47. минута намали на само еден гол разлика (23:22), внесувајќи голема доза драма во завршницата.
Во завршните моменти вардарци покажаа карактер и пресудни беа головите во последните пет минути. СО две брзи акции кои ги реализираа Гогов и Боно за предност од 28:24, по што победата беше обезбедена.
Најдобар стрелец за Вардарци беше Јака Малус со шест погодоци, додека Дмитро Хориха четири пати ја тресеше мрежата на Тулуз.
На голот, Васил Гогов имаше неколку клучни одбрани во завршницата кои ја запечатија победата.
Оваа победа е уште една потврда дека Вардар 1961 повторно е европски конкурентен тим – со срце, борбеност и тимски дух кои го красат овој колектив. Следниот предизвик е нов европски дуел, каде нашите момци ќе имаат цел да ја продолжат победничката серија и да ја задржат првата позиција во групата.
Фото Фредерик Шпецијале / ЕХФ
