Грчката авиокоманија „Ејџијан ерлајнс“ во зимската сезона ќе го намали бројот на летови на линијата Атина – Скопје, објави специјализираниот портал „Екс Ју авијација“.
Како што пишува порталот, „Ејџијан ерлајнс“ ќе ја опслужува релацијата четирипати неделно, што е намалување во однос на шесте летови неделно во претходната зимска сезона.
Нема промени во бројот на летови на „Ејџијан ерлајнс“ на линијата Скопје – Сараево, каде што се планирани по три лета во ноември и декември годинава и по два во јануари, февруари и март следната година.
