Италијанскиот калчолигаш, Аталанта од Бергамо со задоволство денес објави дека потпиша договор со Ељиф Елмас.
Македонскиот дијамант доаѓа од германскиот РБ Лајпциг на позајмица со опција за откуп. Главен иницијатор да се донеси Елмас во Бергамо се екс спортскиот директор на Јувентус а сега директор во Аталанта, Кристијано Џинтоли како и моменталниот тренер, Маурицио Сари.
Елмас е шампион на Серија А со Наполи од сезоната 2022/23, а го освои и Купот на Италија во 2019/20 и Суперкупот на Италија во 2025 година. Елиф Елмас е роден во Скопјe на 24 септември 1999 година, и дебитираше во првиот тим на Работнички на само 16 години. По две сезони, 44 настапи и седум гола, тој се пресели во Фенербахче, каде што ги имаше и своите први настапи во Лигата на Европа во текот на неговите две сезони во Турција.
Италијанскиот калчолигаш се пофали со фудбалските атрибути кои ги поседува Елмас.
Разновидниот играч од средниот ред носи богато искуство и на клупско и на меѓународно ниво, со 361 сениорски настап на своето име, вклучувајќи 189 во Серија А. На 26 години, тој е исто така меѓу 10-те најдобри македонски играчи. Именуван за играч на годината во Македонија во 2019 година, Елмас изгради и импресивна меѓународна кариера. Откако го имаше своето деби во јуни 2017 година во квалификацискиот натпревар за Светското првенство против Шпанија, тој има 79 настапи и 10 постигнати гола, а воедно ја претставуваше и својата земја на ЕУРО 2020. Семејството Перкаси, семејството Паљука и сите во Аталанта му посакуваат топло добредојде на Елјиф и му посакуваат секаков успех, и личен и со тимот, во „Нероаѕуро“.
Фото – Аталанта Бергамо
