Од 1 јуни ќе може од Скопје да се патува со авион до грчкиот остров Крф. „Еџиан Ерлајнс“ ќе обавува сезонски летови до 28 септември, а цената на авиобилетот е достапна на веб страницата на авиокомпанијата. Сега повратен билет чини 220 евра.
Ова е трета дестинација која оваа авиокомпанија ја воведува од Скопје, откако претходно воведе летови меѓу Скопје и Атина и Скопје – Сараево.
Со летниот ред на летање на Скопскиот аеродром кој стапи на сила од 31 март, ќе има и сезонски и чартер летови до Анталија, Бодрум, Хургада, Енфида, Џерба и Монастир со авиокомпаниите „Анадолу Џет“, „АМЦ Ерлајнс“, „БХ Ер“, „Фребрд“ и „Нувелир“. Исто така, „Норвежиан ЕрШатл“ ќе продолжат со сезонските летови до Сплит и Осло.
До Охридскиот аеродром, пак, ќе има чартер летови од Катовице, Варшава, Амстердам и Манчестер, а авиокомпанијата „Ер Србија“ ќе почне да лета на релација Белград-Охрид-Белград.
