Македонија против Словенија 20:28 (11:12)
Женската репрезентација на Македонија и втор пат е поразена во квалификациите за Европското првенство 2026-та.
Храмот на ракометот во Македонија салата “Боро Чурлевски” во Битола не му донесе среќа на нашите девојки и загубија со 28 за гостинките од Словенија наспроти нашите 20 погодоци на овој меч.
Во првото полувреме предноста се менуваше во двата правци, Словенија првично беше во водство, Македонија ја презеде предноста, а Словенија ја држеше предноста до полувремето – но разликата во првиот период никогаш не беше поголема од два гола.
Нашите девојки интензивно ја ротираа својата постава, со девет играчи во споредба со пет за противникот.
Но, голманките беа тие што го украдоа шоуто. Во првото полувреме, Драгана Петковска одбрани девет топки со стапка од 42,9 проценти во голот на Македонија, додека Маја Војновиќ од Словенија имаше осум одбрани со 44,4 проценти.
Војновиќ, која заврши со 14 одбрани и остана над 40 проценти до крајот, беше клучна во втората половина кога Словенија ја презеде контролата на мечот и резултатот.
Првата разлика од три гола ја отвори Спела Бајц на 20:17 во 43-тата минута, како и резултатот полека растеше во корист на Словенија се до крајот на натпреварот откако македонските репрезентативки многу грешеа и во одбрана и напад.
Драгана Петковска одбрани 12 удари на противникот додека Арсениевска имаше 4 голови а пак битолчанката Ангела Јанкуловска пред своја публика постигна 3 гола.
Следен противник за нашите девојки ќе биде селекцијата на Белгија со двомечот е закажан на 4 и 7 март следната година.
