Јавното комунално претпријатие „Водовод“ – Битола успешно го финализираше проектот за изградба на нова водоводна линија на улицата „Сру“ бр. 5.
Во рамки на проектот, поставени се нови полиетиленски цевки со современи приклучоци, со што значително се унапредува квалитетот и сигурноста на водоснабдувањето за жителите од овој дел на градот. Работите се изведени по највисоки технички стандарди, со цел долгорочно решение и намалување на ризикот од дефекти и прекини во снабдувањето со вода.
Со реализацијата на овој инфраструктурен зафат, ЈКП „Водовод“ – Битола уште еднаш ја потврдува својата заложба за навремено и квалитетно одговарање на потребите на граѓаните.
