Општина Новаци успешно ги финализираше градежните активности и асфалтирањето на уште една значајна улична делница, овојпат во селото Долно Агларци. Новоасфалтираната улица, во должина од 435 метри, претставува важен чекор кон подобрување на патната инфраструктура во руралните населени места.
Проектот е финансиран од Бирото за регионален развој при Министерството за животна средина, преку Програмата за развој на селата, и има за цел подобрување на условите за живот и секојдневно функционирање на жителите.
Градоначалникот на општина Новаци, Стевче Стевановски, преку својот Фејсбук профил ја сподели информацијата за успешната реализација, истакнувајќи дека општината продолжува континуирано да работи на проекти кои носат реални и видливи промени.
Фото: Стевче Стевановски (Фејсбук профил)
