Аерозагадувањето во Скопје и утрово е високо. Главниот град се најде на 15-то место на листата најзагадени градови во светот со индекс на загадување 112. Утрово измерени се 40,1 микрограм на метар кубен ПМ 2,5 честички и 52,6 микрограми ПМ 10 честички. Воздухот е обележан како нездрав, особено за ранливите категории граѓани.
Според апликацијата Ај Кју Еар, нивото на ПМ 2,5 честичките е осум пати над дозволената граница поставена од СЗО. Ништо поразлична не беше ситуацијата и при синоќешните мерења покажуваат, податоците од платформата на Министерството за животна средина, според кои загаденоста на воздухот со ПМ10 честичките покажа нивно двојно и тројно зголемено присуство.
Во Скопје на сите мерни места загаденоста на воздухот беше поголема од максимално дозволените вредности. Од другите градови високи концентрации со ПМ10 честичките во воздухот регистрирани се и во Кавадарци, Кичево, Битола, а високи беа и вредностите во Струмица, Куманово, Охрид, Гостивар.
