Тешка сообраќајна несреќа се случила утрово во Прилеп, во која загина 19-годишно момче откако со моторот се судрило со автобус, соопшти Министерството за внатрешни работи.
„На 30.04.2026 во 06:23 часот во ОВР Прилеп e пријавено дека на ул. „Леце Котевски” во Прилеп се случила сообраќајна несреќа помеѓу автобус со прилепски регистарски ознаки, управуван од Г.К..(62) од Прилеп и мотоцикл „хонда” без регистарски ознаки, управуван од В.Б.(19) од с.Големо Коњари, прилепско“ соопштија од полицијата.
По несреќата, В.Б. бил пренесен во Градска болница-Прилеп, каде од страна на доктор била констатирана смрт. Увидот го извршила увидната екипа на ОВР Прилеп.
