Брз и лесен ручек или вечера, подеднакво е вкусно и топло и ладно. Јадењето е идеално бидејќи ги спојува прилогот и главното јадење во едно, освен едноставна свежа салата, не ви е потребно ништо друго.
Состојки:
- 500 грама тестенини по избор
- 300 грама пилешко филе
- 300 грама свежи шампињони
- 300 мл павлака за готвење
- 1 коцка пилешка супа
- 1 голем домат
- 1 црвен кромид
- 200 грама сирење гауда
- зачини по вкус
- маслиново масло, сецкан магдонос
Подготовка:
Сварете ја тестенината во големо тенџере во зовриена посолена вода. Зачувајте 150 мл од водата во која се вареше тестенината. Исцедете ја тестенината и оставете ја настрана. Растворете една коцка пилешка супа во 200 мл зовриена вода. Исецкајте го пилешкото филе на мали коцки и маринирајте го со зачини по ваш избор. Пропржете ситно сецкан кромид во тава во загреано маслиново масло, а потоа додадете го пилешкото. Кога пилешкото ќе биде полуготово, додадете ги исецканите печурки. Откако печурките ќе ја испуштат вишокот течност, тргнете ја тавата од оган. Ставете ја сварената тестенина во сад за печење, додадете ги пилешкото и печурките и нежно измешајте. Одозгора ставете сецкан свеж домат. Прелијте сè со павлака за готвење, зачуваната вода од тестенината и смесата со пилешка супа. Посипете со рендано сирење гауда и сецкан свеж магдонос. Печете на 180–200°C околу 30 минути.
Послужување:
Исечете на парчиња, послужете топло со салата по избор и уживајте. Пријатно јадење!
Миа
Фото: Magnific
