Општина Новаци во соработка со Бирото за регионален развој започна со реализација на значаен инфраструктурен проект во населеното место Добромири. Станува збор за темелна реконструкција на една од поголемите улици со должина од 503 метри.
Со овој зафат ќе се подобри локалната инфраструктура, ќе се зголеми безбедноста на сите учесници во сообраќајот и ќе се овозможи подобро поврзување со новата пречистителна станица, чија изградба е предвидено да започне наскоро.
„Ова е уште еден чекор во насока на подобрување на условите за живот во нашите населени места. Продолжуваме со реализација на проекти кои имаат вистинско значење за граѓаните“, истакна градоначалникот на општина Новаци, Стевче Стевановски.
