На неколку минути откако стапи на сила договреното четиридневно примирје меѓу Израел и Хамас, со посредство на Катар, израелската војска ги активираше сирените за воздушен напад во две села во близина на Појасот Газа. Нема официјална потврда дека ракетните напади дошле од палестинските милитанти, иако Израел го обвини дека Хамас го прекршил примирјето бидејќи пресретнатата ракета од страна на израелската армија била насочена кон Јужен Израел.
Според договорот 13 израелски заложници -жени и деца треба да бидат ослободени во текот на денот, а вкупно 50 во текот на четири дена. Од друга страна Израел треба да ослободи вкупно 150 палестински затвореници, меѓу кои првата група од 39-мина се очекува да бидат ослободена околу 20 часот по локално време. Израелки власти сооштија дека примирјето може да биде продолжено дополнителен ден за секои 10 ослободени заложници.
Портпаролот на Израелските сили рече дека контрола над северната половина на Појасот Газа ја означува само првата фаза од долгата војна.
„И во наредните денови ќе се фокусираме на планирање и исполнување на следните фази од војната. Кога ќе стапи на сила затишјето во борбите, нашите сили ќе бидат стационирани на линијата за прекин на огнот во Појасот Газа. Сакам да нагласам – внатре во Појасот Газа и тие исто така ќе се движат по овие линии што ги договоривме во договорот.“- Даниел Хагари, Портпарол на Израелските безбедносни сили
Израелската страна изрази сомнеж дека прекинот на огнот може да овозможи прегупирање на милитантите на Хамас, на што будно ќе внимаваат.
-Ние сме на висока готовност и решени сме да продолжиме се додека не ги лоцираме лидерите на Хамас за да ги ликвидираме. Имаат избор сами да се предадат, но доколку не го сторат тоа, каде и да се кријат ќе ги убиеме. Да, сега има пауза, но за 4-5 дена војната продолжува.- Дени Данон, Член на Кнесет на Израел
ОН соопштија пак дека Израел ги интензивирал бомбардирањата низ Газа пред денешното примирје, додека пак премиерот Нетанјаху возврати дека токму тие бавно се справуваат со хуманитарна криза. Раселените Палестинци беа предупредени од Израел да не се обидуваат да се вратат дома. Според мировниот договор шеесет камиони со храна, гориво и медицински материјали стигнаа од Египет до Газа . Непосредно пред прекинот на огнот во Газа, Портпаролот на бригадата на Хамас изјави дека групата има неколку стратешки победи против израелските сили на неколку локации, предизвикувајќи им големи загуби.
