Криминалистичката полиција при СВР Битола и Полициската станица Демир Хисар синоќа од 00.00 часот до 01.30 часот во Демир Хисар спровеле акциска контрола во угостителски објекти. Во еден угостителски објект се затекнати тројца малолетници под дејство на алкохол, кои се предадени на нивните родители.
Како што соопштија од МВР, по документирање на случајот ќе следува соодветен поднесок.
Исто така, во Прилеп синоќа од 00.00 до 04.00 часот од страна на криминалистичката полиција на СВР Битола во содејство со полициски службеници од ОВР Прилеп спроведена е акциска контрола во угостителски и други објекти за присуство на малолетници во нив.
За време на контролата во два угостителски објекти во Прилеп затекнати се 34 малолетници, а кај 11 малолетни лица било констатирано дека се под дејство на алкохол. За сите констатирани неправилности ќе бидат поднесени соодветни пријави.
Акциската контрола е спроведена во рамки на „Безбедно лето 2023“.
