Вкупно 73 возачи се казнети при вчерашната засилена акциска контрола на територијата на СВР Битола за санкционирање на лица кои управуваaт возило со брзина поголема од пропишаната.
Од нив, како што информира МВР, 55 возачи ја пречекориле брзината во населено место, а 18 надвор од населено место.
-На сите прекршители им се изготвени соодветни поднесоци, соопшти МВР.
Од МВР најавуваат дека и во наредните денови ќе продолжат засилените сообраќајни акциски контроли и апелираат граѓаните да ги почитуваат сообраќајните правила и прописи за, како што велат, да ја зголемиме безбедноста во сообраќајот и заедно да придонесеме за посигурни патишта.
