НАЈНОВО

Македонија

За Нова Година ќе нема летови – се затвора небото на 3 денови поради штрајк

Синдикатот на контролорите на летање утринава му испрати известување на директорот на М-НАВ Фахрудин Хамиди дека ќе стапи во штрајк од 31 декември, дента на дочекот на Новата година, до втори јануари, ако не ги повлече двата огласа за вработување што тајно ги распишал.

Според Александар Тасевски, претседател на Синдикатот на контролорите на летање, менаџментот под раководство на директорот Фахрудин Хамиди го прекрши договорот постигнат пред министерот за транспорт Благој Бочварски, и на мала врата во претпразничната гужва, распишал огласи за вработување со несуштински профили.

ШТРАЈКОТ НА КОНТРОЛОРИТЕ НА ЛЕТАЊЕ СТАВЕН ВО МИРУВАЊЕ, СО БОЧВАРСКИ СЕ ДОГОВОРИЈА СИТЕ БАРАЊА ДА ИМ СЕ ИСПОЛНАТ ДО КРАЈОТ НА МЕСЕЦОТ
Во едниот од огласите се бара „деловен асистент“, а со другиот се реализира старата намера претходниот директор Миѓен Селмани пак да се вдоми во М-НАВ.

За ексдиректорот во М-НАВ Миѓен Селмани измислено е работно место „советник за човечки ресурси“, што повторно е кршење на договорот со кој се прекина генералниот штрајк што беше најавен за 12 октомври, кога Хамиди се обврза дека нема веќе да вдомува партиски кадри, пријатели и роднини на измислени, несуштински работни места. На преговорите Хамиди посебно вети дека Селмани нема да биде вработен.

Првиот оглас трае вкупно 10 дена, а според договорот на Синдикатот и Хамиди, треба најмалку 10 работни дена, а вкупно 2 недели. Со него се вработуваат 10 луѓе.

Другиот оглас на кој, според Синдикатот, треба да се пријави ексдиректорот Селмани, трае само 2 дена. Некој друг да не го види и да се пријави.

Министерот Бочварски кажа дека лично ќе се погрижи да се испочитува договорот меѓу Синдикатот на контролорите и менаџментот на М-НАВ, но и тој остана недоследен.

Поврзани новости