Во рамките на проектот „Хармоничен мозаик: Единство преку уметност и дијалог”, што го реализира Здружението за меѓународна младинска соработка Интерактив – Битола се изработија два мурали од кои едниот беше поставен во СОУ Гимназија „Јосип Броз-Тито” во Битола, а додека пак другиот во ООУ „Гоце Делчев” во Тетово.
Овие мурали се наменети да бидат трајни симболи на меѓуетничкото единств преку уметничката соработка, визуелно зајакнувајќи ги темите на проектот за различност и мир.
Пораката на муралот во Битола е дека сите сме еднакви под едно сонце. Овој мурал е инспириран од коцките на холандскиот сликар Пит Мондријан.
На муралот во Тетово, идејата е танц во форма на срце што асоцира на еднаквост и љубов. Овој мурал е инспириран од делата на францускиот уметник Хенри Матис, мајстор на современото сликарство.
Муралите ги изработи младиот уметник Константин Солак од Битола.
Проектот е финансиран од Мисијата на ОБСЕ во Скопје преку нивниот младински меѓукултурен уметнички фонд дел од проектот „Градиме нови мостови“.
Фото: Интерактив – Битола
