Земјоделската комбинат „Пелагонија“ – Битола официјално го отвора на првиот Агро Еко Центар за Обука за Зелени Вештини, место каде што долгата традиција на македонското земјоделство се среќава со најсовремените дигитални технологии. Новиот центар претставува стратешка инвестиција во идните генерации земјоделци, ученици, студенти и сите кои сакаат да развиваат современи и одржливи агро-вештини.
Во рамките на оваа иницијатива, на 2 декември 2025 година, во соработка со Стопанската комора на Северна Македонија, беше отворена и првата „АгроЕкоСтаница за зелени вештини“ – технолошка платформа која овозможува практична обука и воведување паметни решенија во земјоделското производство.
АгроЕкоСтаницата нуди бројни функционалности кои ќе им помогнат на идните „еколошки агротехничари“ да стекнат реални знаења и дигитални компетенции, меѓу кои:
- Следење и анализа на состојбата на почвата, растенијата и климата преку напредни сензори;
- Пристап до податоци во реално време и примена на еколошки мерки за заштита и обновување на биодиверзитетот;
- Превенција на ризици како суша, болести и штетници преку дигитални предупредувања;
- Поддршка за примена на одржливи, ефикасни и ресурси-штедливи земјоделски практики.
Со отворањето на центарот, ЗК Пелагонија поставува нови стандарди во модерното земјоделство и создава услови за континуирана обука со најсовремена технологија која ќе им биде достапна на локалните земјоделци, младите и сите заинтересирани.
Оваа иницијатива ја позиционира Пелагонија како регион што чекори по европскиот пат на дигитализација и зелена транзиција во земјоделството. Полињата на ЗК Пелагонија стануваат отворена училница – простор каде идните професионалци ќе учат, истражуваат и применуваат иновативни решенија во реални услови, претворајќи го земјоделството во одржлива и модерна практика.
Фотографии: Стевче Стевановски, градоначалник на општина Новаци
