На 54. издание на Меѓународниот боксерски турнир „Златен гонг“ во Скопје, победи Ален Рустемовски од Битола.
Рустемовски ја прикажа најдобрата борба на турнирот и успеа да ја запали публиката во „Борис Трајковски“ и на нозе да го дочека крајот на мечот.Со извонредна техничка подготвеност, борбен дух и атрактивен стил, осбено разорни беа неговите аперкати. – пренесува – порталот ИПОН кој во живо ја проследија борбата на нашиот битолски боксер и шампион.
Рустемовски славеше со едногласна одлука против боксерот од Англија – Џозеф Тарнер.
Неговиот брат Адријан Рустемовски исто така се закити со медал победувајќи го македонскиот боксер Стефан Петрушевски со 5-0 во 2. рунда (60кг).
На боксерскиот турнир „Златен гонг“ учестуваа повеќе од 40 боксери од 8 различни земји.
Боксерот на битолскиот клуб Пелистерски Јунак – Ален Рустемовски пред само неполна недела се врати со сребрениот медал во категоријата до 57 килограми од Европското првенство во бокс (У23) што се одржа во Ереван, главниот град на Ерменија. Неговиот брат, Адриан Рустемовски исто така се закити со медал на Европското првенство но бронзен, за разлика од неговиот брат, откако во полуфиналето беше поразен од Хамзат Матиев од Русија.
Спортската редакција на Шеталиште му го честита овој златен медал на “Железното момче”-Ален Рустемовски како што го нарековме пред финалето на Опен Балкан шампионатот во Пале, БИХ и на целиот тим кој го предводи ,тренерот Јове Петровски од Битола и во иднина Македонија и Битола да дочекаат златен медал од Олимпијада , зошто да не’ нели!?
Резултати финале Златен гонг:
55 кг Емануел Коцо (Албанија) – Кристијан Коцо (Албанија) 0-5 ТКО Р2
60 кг Ален Рустемовски (Македонија) – Џозеф Тарнер (Англија) 5-0
60 кг Стефан Петрушевски (Македонија) – Адриан Рустемовски (Македонија) 0-5 ТКО Р2
65 кг Ибрахим Мезани (Албанија) – Амардип Синг (Англија) 0-5
70 кг Емин Јилдиз (Австрија) – Лехцун Антон (Молдавија) 5-0
70 кг Наум Стојаноски (Македонија) – Рио Гордон (Англија) 0-5
75 кг Алперен Јилмаз (Турција) – Даврон Бозоров (Молдавија) 0-5
80 кг Никола Кисковски (Македонија) – Лаки Аимуфуа (Австрија) 0-5
85 кг Кристијан Иванов (Бугарија) – Дивин Омојор (Англија)0-5
90 кг Патрик Плантич (Храватска) – Андреј Заплинај (Молдавија) 0-5
Фото Баки Али
