Цената на златото продолжува да расте на светските пазари, а денеска достигна околу 144 евра за грам, што е едно од највисоките нивоа во последниот период. Растот на цената доаѓа во услови на зголемена неизвесност на глобалните пазари и засилени геополитички тензии.
Инвеститорите традиционално се свртуваат кон златото како сигурно прибежиште во време на економска и политичка нестабилност. Поради тоа, побарувачката за овој благороден метал значително се зголеми во последните недели.
Според аналитичарите, на цената влијаат повеќе фактори – растот на инфлацијата, нестабилноста на енергетските пазари и геополитичките ризици, особено во региони важни за глобалната економија.
Златото се смета за една од најсигурните инвестиции во време на кризи, па многу инвеститори и централни банки ги зголемуваат своите резерви. Доколку неизвесноста на светските пазари продолжи, експертите не ја исклучуваат можноста цената на златото да достигне и нови рекордни нивоа пренесува бизнис вести.
фото: архива
