Секоја авиокомпанија има свој уникатен дизајн, но повеќето авиони се бели. Всушност, постојат повеќе причини за оваа практика. Бојата на авионот, на пр., му додава меѓу 272 и 544 килограми на вкупната тежина на авионот, зависно од моделот…
Тежината, пак, се разбира, ја зголемува потрошувачката на гориво што авионот ја согорува – како да има осум дополнителни патници. Отстранувањето на оваа непотребна тежина ги прави летовите поевтини, а помалата потрошувачка на гориво значи и помалку загадување. Исто така, белата боја не бледнее како другите бои, па затоа авионот се пребојува поретко. И ова е многу важно и полезно сознание, бидејќи за фарбање „Боинг 747“ би требале околу 545,53 литри боја, а за „Боинг 767“ – 409,15 литри. Тоа значи, боењето комерцијален авион чини од 40.000 до 170.000 евра, пишува порталот „Даљине“.
Натаму, исто како што луѓето лете носат полесна, светла облека, којашто прима помалку топлина, и белите авиони впиваат помалку топлина поради својата боја.
Поради белата боја, и на техничарите им е многу полесно да забележат каква било штета. Ова овозможува навремено, брзо забележување и поправање на протекувањата на масло, пукнатините и другите дефекти и недостатоци. Многу авиокомпании и производители на авиони ги продаваат или изнајмуваат своите авиони на други превозници, па нивното одржување во бела боја го прави поевтино и менувањето или прилагодувањето на дизајнот на новата авиокомпанија.
