Најдобрата наша тенисерка, го запиша својот прв настап во главната фаза на Гренд Слем турнирот во првото коло се соочи со фаворизираната, Аманда Анисимова, и не’ успеа да направи изненадување откако загуби со 2:0 (6:3, 6:2).
Македонска тенисерка Лина Ѓорческа денеска го одигра својот прв меч на главен турнир на Гренд слем и на тој начин испиша историја за македонскиот тенис. Таа стана прва од Македонија со настап во сингл на еден од четирите големи турнири (претходно настап во двојки имаше Александар Китинов).
– Дури и ако не сакам да слушам пред мечот, тоа е насекаде. Во моментов нема многу работи што се случуваат дома, па ова беше навистина голема работа за сите нив. [Добив] многу пораки за поддршка што ми значат сè на светот. Играњето на овој голем терен со многу публика беше навистина неверојатно. Тоа е еден од најдобрите – ако не и најдобриот – турнир, па затоа е навистина доживотно искуство. Исто така, да се игра против Аманда (Анисимова), финалистка и неверојатна тенисерка, тоа е навистина остварување на сон, изјави Ѓорческа за официјалниот сајт на Вимблдон.
Со пласманот во првото коло како тенисерка што ги минала квалификациите Ѓорческа ќе освои 40 поени со што при следното рангирање (по завршување на Вимблдон) ќе треба да направи скок на ВТА ранг-листата и да се најде околу 200.то место.
