Изложувањето на сонце без соодветна заштита може да резултира со сериозни изгореници на кожата – нешто што Синди Ален-Стјуарт го почувствувала на сопствена кожа по еден ден поминат на плажа.
Иако нанела заштитна крема, нејзината чувствителна кожа не ја издржала сончевата експозиција – грбот ѝ бил силно црвен и воспален, пренесува британскиот весник The Sun.
Во потрага по олеснување, Синди добила необичен, но ефикасен совет од својата свекрва: нанесете пена за бричење на изгорените места и оставете ја да делува 30 минути.
„Пената ќе почне да ја извлекува топлината од кожата. Не грижете се ако кожата почне да ве чеша – тоа е знак дека ментолот од пената почнува да делува. Кога ќе почувствувате ладно на изгореното место, тоа е добар знак. Ментолот ја лади кожата и ја намалува температурата“, објави Синди на социјалните мрежи.
Иако во почетокот била скептична, забележала значително подобрување. Таа препорачува постапката да се повтори и следниот ден доколку изгорениците не исчезнат.
Сепак, стручњаците предупредуваат дека оваа метода не смее да се користи како замена за крема со заштитен фактор. Заштитата од УВ-зраци останува неопходна при секое изложување на сонце.
