Авиокомпанијата „Изи џет“ позната по своите нискобуџетни летови најавува повторно враќање на македонскиот пазар, со воведување летови меѓу Париз и Скопје. Планирани се летови на релација од аеродромот „Орли“ во Париз до „Меѓународниот аеродром – Скопје“.
Очекувано е соработката да продолжи од следната пролет (во 2025 година), а летовите ќе можат да бидат закажани наскоро, се вели во францускиот весник „Лес Ечос“.
– Со новата услуга буџетската авиокомпанија ќе се врати во Скопје по прекинот на операциите од Женева минатиот месец. Понатаму, ќе ја прошири врската меѓу Македонија и Франција, која ќе расте заедно со планираните нови летови на Виз Ер до Лион, кои исто така ќе започнат во 2025 година – стои во објавата.
Аеродромот „Орли“ се наоѓа дваесетина километри од центарот на Париз, додека пак веќепостоечката авиолинија од Скопје до францускиот главен град ја опслужува и компанијата „Виз Ер“ до аеродромот „Бове“, кој е оддалечен 90-ина километри од Париз.
„Изи џет“ влезе на македонскиот пазар во ноември 2021 година.
