Лацио почна преговори со Лоренцо Инсиње за трансфер на поранешен италијански фудбалски репрезентативец во редовите на римскиот клуб, јавуваат локалните медиуми.
Инсиње од 2022 година беше член на МЛС лигашот Торонто, а минатиот месец му истече договорот и 34-годишниот крилен напаѓач сега може без обесштетување да се врати во Серија А.
Италијанските медиуми наведуваат дека тренерот на Лацио, Маурицио Сари, инсистира клупското раководство да го донесе Инсиње во Рим.
Во текот на својата кариера, Инсиње доби статус на легенда во Наполи, чиј член беше од 2010 до 2022 година. На самиот почеток од тој период, играше како позајмен фудбалер во Кавезе, Фоџа и Пескара.
Вкупно за Наполи во Серија А одигра 337 натпревари, постигнувајќи 96 гола. За Торонто настапи на 66 натпревари и постигна 15 голови.
ФОТО: ЕПА
