Бугарија победи на 70. издание за изборот на песна за Евровизија, кое вечерва се одржа во арената „Винер Штатхале“ во Виена, , освојувајќи вкупно 516 поени во финалето. Зад Бугарија се пласираа: На второто место Израел со 343 поени, додека третопласирана беше Романија со 296 , како и Австралија 287 и Италија со 281 поен.
Финалната вечер ја отвори Виенскиот симфониски оркестар со минатогодишниот победник Џеј-Џеј со песната „Кралицата на ноќта“, а водители беа Викторија Сваровски и Михаел Островски.
Во ревијалниот дел по повод 70 години Евровизија, на сцената настапија легендарни имиња како Верка Сердучка, Александар Рибак, Руслана, Манс Зелмерлев, Лорди и Х. Папаризу. Уникатен музички момент беше настапот на Доменико Модуњо со безвременската „Volare“ на Доменико Модуњо.
На големото финале настапија претставниците на: Данска, Германија, Израел, Белгија, Албанија, Грција, Украина, Австралија, Србија, Малта, Чешка, Бугарија, Хрватска, Обединетото Кралство, Франција, Молдавија, Финска, Полска, Литванија, Шведска, Кипар, Италија, Норвешка, Романија и Австрија.
На оваа Евровизија не настапија Шпанија, како и Ирска, Холандија, Словенија и Исланд, откако земјите се повлекоа поради учеството на Израел.
Со оваа победата на Бугарија на јубилејното 70. издание на Евровизија во Австрија тоа значи дека следната година, Бугарија ќе биде домаќин, односно главниот град Софија.
Фото: Евровизија
