Голманот на Пелистер, Андреј Јовчевски е еден од најквалитетните чувари на мрежата во ПМФЛ првенството, но и несомнено и најдобар ако се земе фактот дека со неговите одлични партии против Шкендија, “Вечното дерби” против Вардар во Битола, Македонија Ѓорче Петров и на уште неколку мечеви, му овозоможи на својот клуб да “стигне” до плеј-аут мечот во Кавадарци, но и да го привлече вниманието на многу клубови и фудбалски скаути од земјава и странство.
На негова адреса покрај веќе добро познатите неколку клубови од македонското првенство, интерес покажале и амбициозни фудбалски клубови од Албанија и Турција.
За 194-сантиметри високиот голман на ФК Пелистер но и член на у21 репрезетнацијата на Македонија, најнов интерес покажал клуб од Бундеслигата, каде според добро упатени фудбалски извори се распрашувале за младиот чувар на мрежата на Пелистер. Цената на Јовчевски на фудбалскиот пазар се движи околу 200 илјади евра.
Македонски фудбалери кои заиграле во германската Бундеслига се играчите: Елиф Елмас, кoj сеуште е член на РБ Лајпциг и има договор до 2028 година, Агон Елези ( Бохум) и Дарко Чурлинов кој настапуваше за Штутгарт во сезоната 2022/2023, Александар Васоски: Ајнтрахт Франкфурт од 2005 до 2011 година. Николче Новески: Мајнц 05, Саша Ќириќ- Тенис Борусија Берлин , Нирнберг, Митко Стојковски и Тони Мицевски Штутгарт , Росток, Котбус, Оснабрик, па можеби некој од погоре набројаните фудбалски интернационалци бил сепак конекцијата или контактот преку кој можи да се стигне до Јовчевски од страна на германскиот буднеслигаш.
Фото:Андреј Јовчевски (социјални мрежи)
